Puede ba?

Puede bang sabihin ko sayo
Na sobrang lungkot ko
Na sa tuwina'y naririyan ka
Ang mundo ko'y tuluyang umiikot
patungo sayo, patungo sa kahapon
Masayang mapait na masakit
Kasi alam kong yun ay nakaraan na
At di na maibabalik
Ng paminsang-minsang pagsulpot mo
Nais kong namnamin ang bibihirang
sobrang oras at atensyon mo
Nais kong ibalot ang katawan ko ng
matatamis na alaala at isipin
Dahil andyan ka kahit malayo
Sobrang napakalayo
Pero sa bawat galak
Kaakibat ang pait, ang hapdi
Dahil alam ko sa diwa ko
Wala na, walang wala na
Matagal na at di na babalik
Patuloy lang ako maiinggit at
Hihiling sa hangin
Na sana ako na lang
Na sana ako pa rin sa huli
Ngunit wala na talaga
Walang-wala na.
Wala na.
Pero puede ba?